今日隨心所欲寫少少醫學以外的文章。

今天中午去了銅鑼灣一間日本餐廳午餐。 雖然已經過某一個知名的網上平台好評， 但由坐低開始已經發覺又再中伏。 服務態度和食物都認真麻麻。

坐低冇幾耐決定要order lunch set. 我輕輕 示意waitor哥哥我想點菜。 但他企在另外一台，眼尾一望，跟住就有點不禮貌地說“等一等啦”。 原來他正在等另外一位顧客 畀錢。 當時餐廳一半座位都不滿。 其他的侍應也不幫手。 好了到我們點菜的時候 ，他很快便落了餐單。 憑記憶落菜。

等你要幾分鐘之後他拿來了一些前菜沙律和麵豉湯。 再等了幾分鐘他便上了一個壽司set. " 唔好意思我哋冇叫喎， 會唔會係隔離枱， 我哋叫嘅係魚生飯”。 上菜的是另一個侍應，他有點茫然。 他不好意思地回到廚房並且和其他是現在waitors傾談了一陣 。他在走過來說， 唔好意思係我哋落錯咗單， 你介唔介意食咗呢個壽司？

“我哋其實一心係嚟食魚生飯唔係嚟食壽司”

明明自己冇聽清楚落錯了單，竟然再走去顧客嗰度要人哋改單就佢。 真係聞所未聞。

最後終於來了我們點的鱼生和一鰻魚飯。 話名魚生飯， 點解唔見咗飯同埋一個日本蒸蛋嘅呢？ 檯面上只有一碟魚生。 等咗一陣以為他轉個頭會攞嚟，一分鐘後都冇任何動靜。

我哋忍唔住再同待應講一講。

“ 唔好意思應該仲爭一個飯喎”

“ 你哋等一陣啦陣間會有㗎啦”

唔通煮唔切飯？ 但係另外一個鰻魚飯又有飯喎。 同埋如果飯都未得點會淨係先上咗一個魚生呢真係好奇怪。 又過了幾分鐘仍然冇動靜。

我哋再追多一次 Where is the rice??

他們給我哋嘅回覆都係一樣話遲一點會有。

過咗幾分鐘之後終於攞咗個蛋和飯過嚟。 成件事真係好怪。

食物質素平平無奇，唔可以話非常好食。

跟住食食下，之前食嘅前菜碟諗住個侍應攞飯嚟嘅時候會收埋，點知當睇唔到。 蛋飯食到一半就突然間有個侍應一句聲都冇講就快速咁樣攞走咗隻 碟去收走。。。。

最後都已經feel到有點伏。 食到尾竟然有兩個侍應坐喺我哋隔離嗰張臺， 兩個喺度傾計傾下今晚打機有啲咩好玩。 去到嗰一個moment， 我就知道應該盡快結帳走人。

寫呢個經歷出嚟唔係想淨係講又食咗乜嘢中伏餐廳。 呢個唔係見個別事件而係近年我發覺 香港的 中價的餐廳 ，出現了很嚴重的問題。 所謂中價餐廳即係講食一餐午餐大約係一百蚊 至到二三百蚊一位左右。 根據我嘅經驗我發覺呢一類嘅餐廳無論是什麼菜式，性價比非常低。

反而是一些平價的食物 ，例如是一些茶餐廳小炒或者係 一啲專做街坊生意的快餐店。在這兩三年反而質素沒有什麼改變，雖然價格有所上升但係整體嚟講都係一種抵食嘅cheap eat. 我自己也幫襯不少。

至於一些高架餐廳例如是某些酒店裏面嘅扒房，或者一啲接近八百蚊 或以上一位嘅西餐又或者是某些高級會所的餐廳， 那些反而 性價比比以前好像還高了。 因為他們的質素其實確是很高， 特別喺疫情期間他們做了不少優惠，甚至有一些比一些中價的餐廳收費還要平。 即使而家消費反彈 ，但係計返落去其實食物質素和價錢仍然是一個合理的性價比。 所以而家一些好嘅餐廳分分鐘book位要等一個月都唔出奇。 當然咁多人食呢啲貴嘢同冇得去旅行絕對有好大嘅關係。

所以稍為有理性嘅人其中有合理嘅做法係平時多喺屋企煮餸又或者簡單嘅一些cheap eat, 唔好去咁多呢啲中價餐廳寧願要儲下錢, 久唔久一次食啲高價，可能計返落去洗錢仲少咗， 而且滿足感更加高。

咁點解而家香港呢啲中價餐廳好似越嚟越差呢？

其實根本係原因係經營困難。 這方面我是十分同情。

首先雖然之前有疫症， 但無論如何喺香港經營飲食本身已經很困難， 租金又貴，人工又貴， 收得中價呢個價錢喺通貨膨脹個年代根本利潤甚低。 因為做得中價嘅餐廳，裝修或者其他嘢唔可以太頹。 但係食材成本又高。所以唯一做法就係將食物嘅質素降低， 唔好用啲咁靚嘅料， 或者份量減少。 先可以做到一些利潤賺錢。

另一方面請人確實是困難。 請人做餐飲的要搵啱好嘅人確實唔容易。 就算你出比市價稍高嘅人工都未必搵到好嘅人返嚟。 不少中價餐廳是做西餐或者日本餐， 好多時都想員工係比較後生有活力的。 但係這一群二十到三十歲的人唔係好多人願意做辛苦的餐飲業。 就算會做都可能係短期嘅，有心喺呢方面發展嘅不多。 所以便造成餐廳嘅有些服務確實是麻麻地。 自啲講就係hea做。

再加上自從疫情之後，好多人都發掘咗原來去凍肉舖，又或者超級市場，甚至係街市，都有唔少優質食材。原本唔識煮嘢食嘅都 被迫學了煮嘢食。 最簡單嘅煎塊扒 ，可能而家自己都覺得整得好食又未必需要出去呢啲中價餐廳度食。 所以大家見到網上嘅凍肉市場，和其他優質食材商品， 生意甚好。 另外 有唔少人已經改變習慣多咗去朋友屋企度聚會，亦都直接影響呢一些中價餐廳嘅營運。 呢種影響最大嘅衝擊就係開核心商業區嘅餐廳。

所以咁多種原因加埋之後 ，就形成咗而家做中價餐廳的經營困難和質素下降。